അറിവിൻ ആദ്യപൊരുളാം ഓംകാര ശ്രീഭാവമേ..
അഖിലം നിറഞ്ഞരുളുന്ന ദേവീ ചൈതന്യ സൗന്ദര്യമേ..
ആദിശങ്കരൻ തപം ചെയ്തുണർത്തിയ സനാതന സത്യമേ..
അന്തരാത്മാവിൽ മന്ത്രധ്വനിയുണർത്തും ദിവ്യസംഗീതമേ..
അമ്മേ.........മൂകംബികേ.....ദേവീ....
സരസീരുഹങ്ങൾ വിടർന്നൂ സൗന്ദര്യ-
ലഹരിയിൽ ദേവിയുണർന്നു
സ്വരപുഷ്പാഞ്ജലിയേകിയ ശങ്കരൻ-
സ്വർഗ്ഗീയ ലഹരിയിലലിഞ്ഞു.
ശൈലാധീശ്വരി അരുളിയ പുണ്യം
സൗപർണ്ണികയായ്‌ ഒഴുകുമ്പോൾ..
സർവ്വജ്ഞതയുടെ പടവുകൾ കയറിയ-
സൗമ്യതയുൾക്കുളിരണിയുന്നു...
അറിവിന്നാദ്യ പ്രഭയേകാൻ നീ..
അണയുക ഹൃദയേ മാകംബികേ...
അടിമലർ തൊഴുമെൻ ആത്മാവിൽ അറിവായ്‌
അമരുക വിമലേ മൂകംബികേ.....!
No comments:
Post a Comment