നവരാത്രി മണ്ഡപ നടയിൽ വിരിയുന്ന
നയനാബ്ജമിന്നു ഞാൻ കണ്ടു-അതിൽ
നവരസനദനങ്ങൾ കണ്ടു.
പലവുരു പാടിപ്പതിഞ്ഞൊരു പാട്ടുപോൽ
അമലേ നിൻ അനുരാഗം കണ്ടു ഞാൻ
അറിയാതെ കോരിത്തരിച്ചു...
അഴകേ നിന്നധരപുടങ്ങളിൽ മലരിന്റെ
മധുകു‍ടം തൂകിയതാരോ....?
കടമിഴിക്കോണുകൾക്കുള്ളിൽ കിനാവിന്റെ
കളിവള്ളമേറിയതാരോ....?
രവിതേജോ പുഷ്പങ്ങൾ രതിഭാവമണിയുന്ന
രജതാംബരക്കുടക്കീഴിൽ
അറബിക്കഥയിലെ ആയിരം രാവുകൾ
നുകരുവാൻ നീ വരികില്ലേ...?
No comments:
Post a Comment