മോഹപ്പൂത്തുംബി പറന്നു മാകന്ദ്ത്തോപ്പിൽ
മോഹന രാഗം പാടുന്നു മാനസ തന്തികളിൽ
നീയെന്റെ സംഗീതം, ഹൃദയത്തിൻ സൗഭാഗ്യം
നീയാകും കിന്നര കന്യക ജീവിത സർവ്വസ്വം...
കാണാത്ത കിനാവുകൾ വന്നെൻ മനസ്സിൽ നിറയുന്നു
കൗമാരചിറകാർന്നവയൊരു ദ്വീപിലിറങ്ങുന്നു...
നീയെന്റെ രാജകുമാരി , ഞാൻ നിന്റെ മാനസ സുൽത്താൻ
നാമിന്നൊരു നവസ്വർഗത്തിൻ ലഹരിയിലമരുന്നു...
താതിന്നം പാടിപ്പാടി നിളാനദിയൊഴുകുന്നു
രാവിന്റെ ചുണ്ടിൽ സ്വർണ്ണത്താമര വിരിയുന്നു.
പ്രേമാർദ്ദ്രം നീയെൻ മാറിൽ മയങ്ങും വേളയിതിൽ
രോമാഞ്ചം പൂക്കും വിരലുകൾ നിന്നെ തഴുകുന്നു...
No comments:
Post a Comment