Wednesday, December 8, 2010
യഹോവയും അവ്വയും
കര്ത്താവിന് ആജ്ഞയെ ധിക്കരിച്ചാദ്യമായ്-
കനിതിന്നോരവ്വയെ നോക്കി
കര്ത്താവ് കല്പ്പിച്ചു" ധിക്കാരിയാം നിന്റെ -
ഗര്ഭത്തിന് പീഡകള് ഏറ്റും
എങ്കിലും നീയെന്നും കാമിക്കും ഭര്ത്താവിന് -
സുന്ദര മേനിയും ചൂടും...!!
സര്പ്പത്തിന് ശത്രുക്കള് -തമ്മില് നശിപ്പിക്കും
പുത്രരേ ഞാന് നിനക്കേകും..
ഉരഗമായ് ജീവിതം പൊടിതിന്നു തീര്ക്കുവാന്
സര്പ്പത്തിനേയും ശപിച്ചൂ..!
ഉലകെല്ലാം വാഴുന്ന ദൈവത്തിന് കോപത്തെ
അറിയുന്നു സാത്താനാവേള..!!
തോല്കൊണ്ട് വസ്ത്രമുണ്ടാക്കി നല്കി -ദൈവം-
മനുജരെ ആട്ടിയിറക്കി
ജീവവൃക്ഷക്കനി തിന്നാതിരിക്കുവാന്
'കെരുബുക്കളെ 'കാവലാക്കി
ഒരു തീയാളും വാളുമൊരുക്കി...!!
ബൈബിള് ഗാനം -ആറ്
Subscribe to:
Post Comments (Atom)
No comments:
Post a Comment