ശാശ്വത സത്യത്തിന്‍ മുദ്ര
മാനത്ത് വിരിയുന്ന മഴവില്ല് താതന്റെ -
കാണും ഉടമ്പടിയല്ലേ ....
പ്രളയത്താല്‍ ഭൂമിയെ ശിക്ഷിച്ച ദേവന്റെ -
ഹൃദയത്തിന്‍ സൌന്ദര്യമല്ലേ....
നോഹിന്റെ മുന്നിലീ ദേവന്‍ അറിയിച്ച
ശാശ്വത സത്യത്തിന്‍ മുദ്ര ...
തന്‍ വില്ലെടുത്തു മേഘത്തിന്‍ മുകളിലായ്
ഇന്നവന്‍ കാട്ടിയ മുദ്ര ....
ഈ വില്ല് മേഘങ്ങളില്‍ ദൃശ്യമാകവേ
താതന്‍ അതിലേയ്ക്കു നോക്കും ...
സര്‍വ ചരാചരങ്ങള്‍ക്കും അന്നേകിയ
നല്ല ഉടമ്പടിയോര്‍ക്കും
" ഇനിയൊരു കാലവും ഭൂമിയെ ശിക്ഷിക്കാന്‍
പ്രളയമുണ്ടാകില്ലയെന്നും
സകല ചരാചര വസ്തുക്കളും നശി-
ച്ചമരുവാന്‍ പാടില്ലയെന്നും ...."
No comments:
Post a Comment