കാതരേ നീയൊരു കല്ഹാരപുഷ്പമായ് ,
കാനന ഹൃത്തില് വിരിഞ്ഞു..!
നീലക്കടമ്പിന്റെ നീള്മിഴിത്തുമ്പു നീട്ടി -
നീയെതോ കാര്യം പറഞ്ഞു ...!
ഈറനുടുത്തു ഹരിചന്ദനക്കുറിയിട്ടു -
പുലരിപ്പെണ്ണിതു വഴി വന്നിടുമ്പോള് ...,
ഹിന്ദോള രാഗം പാടി ,ഹിരണ്മയീപുഷ്പം ചൂടി
ഹിമവാഹിനികള് ചിരിക്കും ..!
ശീലാവതിക്കിളികള് , ശീലാന്തി തൈമരങ്ങള് ,
ശീതക്കാട്ടലയും വനികള് ...!
നീയെന്നില് കവിതയാകും ഞാന് നിന് കഥയാകും ,
നാമിന്നൊരു കഥകളിപ്പദമാടും ...!
No comments:
Post a Comment