Monday, November 15, 2010
സൌപര്ണികേ ഒഴുകൂ .....
സൌപര്ണികെ ..സൌപര്ണികെ
സുരലോകാമൃതെ ,സലിലധരെ
സപ്തസ്വരങ്ങളാല് എത്ര രാഗങ്ങള് പാടി -
സരസ്വതീ സ്തോത്രം ചൊല്ലി ഒഴുകുന്നു നീ .....!
കരിമ്പാറ രുദ്രാക്ഷത്തിന് ജപമാല അണിഞ്ഞു നീ
ലളിതാ സഹസ്രനാമം ഉരുവിടുമ്പോള്
ത്രിപുര സുന്ദരിയായി , ത്രൈലോക്യ ശക്തിയായി
തിരു അവതാരം ചെയ്യും മൂകാംബിക !
അറിവിന്റെ വരദാനം , അമ്മെ നിന്നപദാനം
അനുപദം അരുളുന്ന മഹിതദാനം
ഉദയഗിരിയില് മുടിമണിയായി വൈഡൂര്യമാം
ഉദയാര്ക്കന് പുലരിയില് ഉയരുമ്പോഴും ,
പകലിന്റെ പടിവാതില് അടയ്ക്കുവാനന്തിയെത്തി -
പകലോനാം മാണിക്യത്തെ മറക്കുംപോഴും
സുരനദീ സൌപര്ണികെ ഒഴുകുന്നു നിത്യം നീയും
മൃതസംജീവനിയാകും ഹൃദയമോടെ ...!
Subscribe to:
Post Comments (Atom)
No comments:
Post a Comment