കുസൃതി കണ്ണന്‍
കരളിലെ കര്‍പ്പൂര ദീപം തെളിച്ചു ഞാന്‍ -
കരിമുകില്‍ വര്‍ണ്ണന്റെ വദനം കണ്ടു ..,
കനകാംബരപ്പൂക്കള്‍ മനസ്സില്‍ വരച്ചു ഞാന്‍ -
ഗുരുവായൂരപ്പന്റെ നയനം കണ്ടു ..!
അടിയനാത്തിരുമുടി അണിയിച്ചോരുക്കുവാന്‍
അകമലര്‍മാല കൊരുത്തു വന്നു
അലങ്കാര പൂജയിലായിരുന്നെന്നും നീ
അറിയാത്ത ഭാവം നടിച്ചിരുന്നു -നീ -
നടയടച്ചപ്പോള്‍ അകത്തിരുന്നു !
കവിളിലെ കള്ളച്ചിരി കണ്ടു ഞാന്‍ നിന്റെ
കുസൃതികളൊക്കെ കിനാവ്‌ കണ്ടു ...
മനതാരില്‍ ഇപ്പോഴും നീ വന്നു പോന്നോട -
ക്കുഴലൂതി ഗാനം പകര്‍ന്നു തന്നൂ -എന്റെ -
സ്വരമാകെ നീ മാത്രമായിരുന്നു .....!
No comments:
Post a Comment