എന് അയ്യനെക്കണ്ടോ?
എരുമേലി പേട്ടതുള്ളാനരുവിയില് നീരാടി -
അണയുന്ന കുളിര്കാറ്റേ അയ്യനെ കണ്ടോ?
അവിടെങ്ങാന് പുലിയുണ്ടോ , പുലിപ്പുറത്തിരിപ്പുണ്ടോ?
ഇലക്കുമ്പിള് നിറച്ചുമാ പുലിപ്പാലുണ്ടോ?
ഉലകെഴും ഏഴും കാത്തു ഉദയാര്ക്കനെപ്പോല് വാഴും
ഉമപതി തനയനാം ഉ ണ്ണിയെക്കണ്ടോ?
മദംകൊണ്ട മഹിഷിയെ യമലോകത്തയയ്ക്കുവാന്
ഉയിര്പൂണ്ട ഹരിഹര സുതനെ കണ്ടോ?
ഇവിടുണ്ടെന് ശബരീശന് ,ഇടതൂര്ന്ന വനങ്ങളില്
ഇവിടുണ്ട് പമ്പയാറ്റില് , സന്നിധാനത്തില് ...
ശരണം വിളിയ്ക്കും ശൈലത്തിരകളിന് തിരികളില്
ശതലക്ഷം മനസ്സിലെ വെളിച്ചങ്ങളില് ......!
No comments:
Post a Comment