നിന്റെ രാജ്യം വരേണമേ ...
നിന്റെ സ്നേഹം തരേണമേ ....
നിന്റെ മാര്‍ഗേ നടത്തേണമേ ....
നിന്‍ പ്രകാശം നയിക്കേണമേ ....
നീതിക്കു വേണ്ടി വിശക്കുവോന്‍ ഭാഗ്യവാന്‍
നീതിമാന്‍ ചൊന്നതീ വചനം !
സ്വര്‍ഗരാജ്യത്തിനുടമകളാകുന്നു
നിശ്ചയം ദു:ഖിതരെല്ലാം ....
സ്വര്‍ഗസ്ഥനായ പിതാവിന്റെ നാമത്തെ
നിത്യവും പൂജിതമാക്കൂ ......
സ്വര്‍ഗത്തിലെ പോലെ ഭുമിയിലും നിന്റെ
ഇഷ്ടങ്ങളെ നിറവേറ്റാന്‍ ....
ഭുമിയില്‍ നിക്ഷേപമൊന്നും നിനക്കായി
വേറെ കരുതി വയ്ക്കേണ്ടാ...
സ്വര്‍ഗത്തില്‍ മാത്രം കരുതുക നിന്‍ ധനം
എത്തും അവിടെ നിന്‍ ഹൃത്തും ...!
No comments:
Post a Comment