നാരായണീയമായ് മേല്പ്പത്തൂര് നല്കിയ
നാദാദി ബ്രഹ്മത്തില് മേവിയാലും
പുന്തേനു തുല്യമായ് പുന്താനമേകിയ
പുണ്യഗീതത്തില് മയങ്ങിയാലും
നീയെന്നുമെന്നുടെ മാനസ്സാകാശത്തില്
നീഹാര ഹാരമണിഞ്ഞു നില്ക്കും .....!
താനേ ഇറങ്ങിവരും പുഞ്ചിരിച്ചു നീ
തായമ്പക തുള്ളും മാനസ്സത്തില്
താഴിട്ട മന്ത്രപ്പുരയില് ഒതുങ്ങാത്ത
തത്വമസ്സിയുടെ വിശ്വഹൃത്തില് ...!
നിന്മുടിക്കെട്ടിലെ പീലി പോല് നെയ്ത്തിരി
നിന്ന് തിളങ്ങുന്നു ദീപങ്ങളില്
നിന്റെ സ്നേഹാര്ദ്രമാം സാന്ത്വന മന്ത്രങ്ങള്
നിത്യം മുഴങ്ങുന്ന ശംഖൊലിയില് .....!
No comments:
Post a Comment