ശിലാകാവ്യം

ശിലയില്‍ വിരിയുന്ന ശില്‍പ സൌന്ദര്യമേ ,
ശിവ പുഷ്പ ലാവണ്യമേ......,
ശീവേലി തൊഴുതു മടങ്ങും ഋതുക്കള്‍ക്ക് ,
നീയൊരു   അനശ്വര ഗാനം, ! സോമ-
സാര മനോഹര ഗാനം !

 ത്രേതാ യുഗ രാമ ബാണം തറഞ്ഞൊരു
ദ്രാവിഡ കന്യയെപ്പോലെ ...,
നീലാന്ജന മിഴിക്കോണില്‍ വിരഹത്തിന്‍
വേദന പേറി  നീ നില്പ്പു !

ഹേമന്ത യാമിനി പൂവിട്ടു നില്‍ക്കുന്ന -
ഹേമ യാമങ്ങളില്‍ മുങ്ങി
ഈറന്‍ നിലാവില്‍ കുളിച്ചു നീ നില്‍ക്കവേ
ദേവകുമാരിക പോലെ  -നീയൊരു
മോഹ മരീചിക പോലെ ..!