നീല മയിലേറി വരും വേല്മുരുകാ -
നീയേ തുണ , നീയേ തുണ ശ്രീമുരുകാ !
ചെന്തീക്കനല്‍ നിറമാളും നിന്മേനിയിലെന്നും ഞാന്‍
തെങ്കാശിപ്പൂവുകളാല്‍ അര്‍ച്ചന ചെയ്യാം .
മാനം തന്‍ തോളില്‍ മഴവില്‍ക്കാവടിയേന്തിക്കൊ -
ണ്ടാടുന്നു ,പാടുന്നു ശ്രീ ഗുഹനാമം !
മൂവുലകും നിറയുന്നോന്‍ , ഭാവികാലം അറിയുന്നോന്‍ ,
ജ്ഞാനപ്പൊരുളാകുന്നോന്‍ ശ്രീ വേലായുധന്‍ !
താഴമ്പൂ വിരിയുമ്പോള്‍ ,താഴ്വരകള്‍ പൂക്കുമ്പോള്‍
തൈപ്പൂയമെഴുന്നെളളും കാവടി തുള്ളും ,
വേലേന്തും ഭഗവാനെ , വേദനകള്‍ മാറ്റുവോനെ
വേല്മുരുകാ നിന്‍ മുന്നില്‍ കൈതൊഴുന്നിതാ ...!
No comments:
Post a Comment